Oqaluttuassartaa

Namminersornerullutik Oqartussat soqutigisaat aammalu piginneqataanerat, nakkutigissallugit. Greenland Contractors I/S (GC-mik taaguuserneqartoq - takuuk www.gc.gl), Greenland Resources A/S, DAC-milu suliffeqarfiit (firma-t) arfinillit pilersimmassuk, Namminersornerullutik Oqartussat 1985-mi suleqataalerput, Kalaallit Nunaanni sakkutooqarfinni US Air Force-mik sulissussinermut aserfallatsaaliuinermullu isumaqatigiissutinik naammassinninniarneq anguaalluni.  

 

1986-milu Ingerlatseqatigiiffiup pilersinneqarneranik inerneqarpoq.

 

GC-ip siunertaraa: Kalaallit Nunaanni, Thule Air Base-imi, US Air Force-mi: Ingerlatsinermut -, aserfallatsaaliuinermut- aammalu sulissussinermut suliassat, suliarissallugit.  Amerikamiut sakkutuut timmisartoqarfianni suliassat saniatigut, GC suliassanik minnerusunik kalaallit nunaanni oqartussaasunut aammalu organisation-inut  suliffeqarfinnullu allanut, sullississarpoq.

 

Sakkutooqarfiup Thule Air Base-p ingerlalluarnissaa anguniarlugu, sakkutooqarfimmi sakkutooqarnermut attuumassuteqanngitsut tamangajaasa GC-ip suliarisarpai, taakkuuppullu GC-ip suliaasa annerpaartai.                                                                                                                Inuussutissarsiutinut sullissinerup saniatigut GC-ip siunertaaraa inuiaqatigiinni kalaallini ineriartornermut pitsaanerpaamik, sulisussanillu kalaallinik ilinniartitsineq suleqataaffigissallugu, kalaallinillu sulisoqarneq amerlisassallugu. Kalaallinik inuusuttunik atuartitsineq lærlingeqarnerlu iluatsilluaqisumik GC-mit pilersinneqarsimavoq, sulilu ingerlanneqarluni.

 

GC ullumikkut marluusunik susassaqarpoq ukuusunik: Greenland Holding A/S aamma MT Højgaard A/S.

 

Grønlands Baseselskab-ip pilersinneqarnerminiit aqqa, Greenland Ressources A/S-mut allanngortinneqarsimavoq.  Greenland Ressources-ip annermik suleqataaffigisimavai suliffeqarfimmi atorfinitsitsisarneq aammalu suleqatissanik kalaallinik ilinniartitsineq, 2007-milu ingerlatsivik ilaatigut namminersortunngorsarneqarpoq, assigiinngeqisunillu sulianik amerlasuunik ingerlatsilluni.

 

2007-mi namminersortunngortitsinerup isumagaa, kissaatigineqarmat piginnittumiit, ingerlatsiviup kingumut pingaarnersatut anguniakkani suliarissagaa, tassalu GC-mi soqutigisat aallutissallugit, taamaasillunilu Naalakkersuisut GC-llu akornanni, akunniliulluni sulissussisuunissaq.

 

Taassuma saniatigut, Nukissiorfimmut sanatitsisuunermi siunnersuisuunermilu suliassaq attatiinnarneqarpoq, Kujataani imermik nukissiorfissap Qorlortorsuarmi inaarutaasumik naammassineqarnissaata tungaanut. Suliassaq taaneqartoq naammasseriarpat, suliniutit taassumunnga tunngasut asoorunneqassapput.  

 

Ingerlatsivik taamaasilluni 2007 - 2010-mut marluinnarnik suliassaqarsimavoq.  Taamaattoq ingerlatsivimmut ¼ 2006 umiarsuaateqarfiup atorunnaarsikkiartorneqarneranut kattunneqarpoq. ¼ 2006-i ingerlatsiviuvoq, Arctic Umiaq Line A/S-ip amigartooruteqarnermi qularnaveeqqutaanut, qularnaveeqqusiinermi pisussaassusilerneqarsimasoq, allanuttaaq pisussaassusilerneqarsimasoq, pisussaaffiliunneqartup ullua naatserlugu. 

 

2010-mi amigartooruteqarnermi qularnaveeqqut naavoq, taamalu pisussaassuseq ingerlatsivimmut artorsissutaasinnaajunnaarluni.

 

Inuutissarsiornerup pitsanngorsarneqarnera siuarsarniarlugu 2010-mi maannakkut aqutsisut, Naalakkersuisut attavigisarneranni suliniuteqalerput. Inerneraalu 01. Januar 2011 Naalakkersuit, Greenland Venture A/S, Greenland Holding A/S-mut tunimmassuk.

 

Kissaatigineqarporlu aamma, siunnersuisutut ingerlatsivik aqqutigalugu, nunatsinni inuutissarsiorneq siuarsarniarlugu sulisoqassasoq. Inatsisartut inatsisaanni allaqqavoq; nunatsinni aammalu nunatta immikkoortortaqarfiini assigiinngitsuni, assigiinngitsuni fag-inut arlalinnut tunngasunik ingerlatsivik, inuutissarsiornermi siuarsaatissatut aaqqissuussat aallaavigalugit sullissisassasoq. Inatsisartut inatsisaanni nr. 14, 2001-meersumittaaq ima nanginneqarpoq; inuutissarsiornerup siuarsarneqarnissaanut aaqqissuussinerit aammalu nunat assigiinngitsut akornanni programminut suleqataanissaq EU-millu programmiliussanut paasissutissiinermi,- piginnaaneqarnerlu aallaavigalugit suliffeqarfinnik aallarniinerit isumagineqassasut. Taassuma inerneraa piginneqatigiiffimmik nutaamik pilersitsineq; Greenland Business A/S, 01. februar 2012 aallartinneqarmat.

PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND HOLDING · A/S Boks 1434 · 3900 Nuuk · Grønland · GER: 11 81 31 27
;